PANaNieba с презентацией альбома “71”Дата: 23 лютага 2012 году
Месца: Re:Public
Пачатак: 19:00
Выступаюць:PANaNieba
Зэман
Вожык
Хічкок
Natalika
Лідары новай хвалі беларускага хіп-хопу з
PANaNieba прадстаўляюць свой новы альбом. Праца атрымала назву «
71», гэта дзве апошнія лічбы тэлефонага коду горада Вілейка, адкуль паходзяць заснавальнікі гурта. Дыск выйшаў 30 снежня, і такім чынам стаў апошнім рэлізам мінулага году ў беларускай музыцы.
Праект
PANaNieba пачаў свой шлях у 2006 годзе. Усур’ёз пра сябе рэперы заявілі, калі выдалі першы студыйны альбом «
На балоце», які атрымаў перамогу ў намінацыі «Лепшы дэбютны альбом» на ўзнагародах Experty. А песня з гэтага дыску «
Ўсё будзе добра» увайшла ў лік галоўных гітоў сезону 2010-2011 на інтэрнэт-партале Tuzin.
Cвой другі альбом «
71» рэперы
S’viedak і
SP Kava лічаць пераходным. “Першапачаткова мы думалі зрабіць максі-сынгл, але песень у выніку назбіралася на цэлы дыск. З таго моманту, як мы запісалі «На балоце», мы шмат у чым змяніліся, шмат чаго змянілася наўкол нас. Таму тое, што мы збіраемся рабіць далей, будзе адрознівацца. І «71» — гэта першы крок да таго, што чакае нас у будучыні,” — кажа S’viedak.
Спачатку дыску хацелі даць назву «Ненумарны», але ў працэсе запісу апошніх трэкаў яго вырашылі «алічбаваць». Хлопцы назвалі яго «71», паводле двух апошніх лічбаў тэлефонага коду Вялейкі, і такім чынам звярнулі ўвагу на сваё паходжанне. “У Вілейцы я вырас, там зараз жывуць мае бацькі, да якіх я, на жаль, усё радзей прыязджаю, і гэта вельмі сумна. Тут у Мінску такая мітусня, часта прыходзіцца змяняць здымныя кватэры, я нават не памятаю адрэсу, дзе зараз жыву, а вось кватэру і нумар роднага дому ніколі не забуду, — кажа SP Kava. — Для нас 71 — гэта не проста лічбы з тэлефоннага коду, гэта сімвал. Калі мы працавалі над песнямі, я знаходзіўся ў Мінску, S’viedak у Маскве, а ў правінцыі ўсё па-іншаму. Мне здаецца, час там запавольваецца, і 7 доўгіх дзён падаюцца як 1 вялікі. Галоўная думка нашага альбому, што варта кожны з 7 дзён на тыдні пражываць, як 1 апошні”.
Акрамя ўласна заснавальнікаў PANaNieba, удзел у запісе альбому ўзялі рэпер
Zeman і
Тарас з гурта «Планета всех», у трэку «Буйкі» ў якасці запрошанай вакалісткі выступіла маладая і таленавітая спявачка
Natalika з Гародні. Адзін з трэкаў «Трываю» быў запісаны пры ўдзеле лідара гурта Neuro Dubel Аляксандра Куллінковіча. Альбомная версія гэтай песні гучыць крыху інакш, чым выкладзеная раней у сеціва.
Рэліз «71» выдае лэйбл БМА-груп сумесна з кампаніяй «Вігма».
Кошт:30.000-35.000 — папярэдне
40.000 — у дзень канцэрта, танцпол
55.000 — месца за столікам+кампакт-дыск у падарунак!
Кропкі продажу: пераход ГУМ, пераход Я. Коласа, ГЦ “Купалаўскі”, 19 кропка, ГЦ “Рыга”, 18
Інфалінія:+375-29-649-08-88
+375-33-603-82-44
Spider
Позёров НЕТ — сайт о белорусской молодёжи (http://pozerov.net)
