Большой сольный концерт :B:N:Дата: 28 апреля
Место: Реактор
Начало: 19:00
Выступают::B:N:
СПРАТ
За апошнія гады рэестр рэйтынґаў беларускіх маскультбрэндаў істотна зьмяніўся: калі яшчэ нядаўна бэндам №1 у нас адназначна называлі «N.R.M.», дык цяпер на тое званьне прэтэндуюць многія: той жа Лявон Вольскі з процьмай сольных праектаў, стылёвы мэтал-праект Алеся Таболіча «Znich», магутная магілёўская рок-хваля ад панку да фольку («Mauzer», «Ґлюкі», «Zatoczka», «Osimira»). А вось каго б вы назвалі такога, каб не на аматара пэўнага стылю дагадзіць, а на ўсіх адразу – гіпаноў і панкаў, мэталёўцаў і папсавікоў? Складаная задача, але ж ня патавая, бо бярозаўскі гурт «:B:N:» якраз і адпавядае такім крытэрыям.
Іхні першы альбом выйшаў у Бярозе ў 2003, а ўжо 2004, пасьля перамогі нашых зорак у Польшчы на «БАСовішчы», парадаваў тым адкрыцьцём усю рэспубліку, калі гуртом зацікавіўся менскі лэйбл «БМАgroup». Зацікавіўся і не памыліўся, бо потым былі й паўторныя наклады першага альбому («Не трывай»), і мэґа-гіты, якія трапілі на ўсё салідныя тэлеканалы (ну хіба вы ня чулі песьню «Дажджамі»?), ды потым выйшлі на другім альбоме «Жыве рок-н-рол». Але ж жыцьцё не спынілася на тым.
І ў роднай Бярозе, і ў цэлым па краіне гурт займеў ня толькі прыхільнікаў, але й пасьлядоўнікаў: «Кальмары», «Мясцовыя», «Спрат»… Нямала яны разьязджаюць па краіне, бываюць і ў замежных гастролях, а вось у Менску – хоць і рэґулярна, але даволі рэдка: прыкладна раз на год.
І вось такі час настаў: 28 красавіка 2011-га «:B:N:» дасць вялікі канцэрт у буйнейшым сталічным клюбе «Рэактар», дзе маладыя мэляманы пачуць ня толькі гіты, але й массу новых песень. На разагрэве нашых монстраў, якія колісь дзялілі сцэну ў Польшчы з славутым бразыльскім «Soulfly», будзе выступаць берасьцейскі гурт «Спрат», які да шырокага слухача пакуль пасьпеў датуркацца толькі праз папулярныя складанкі «Дзень студэнта», «Выбіright», «19 сьняжынак праўды».
Такім чынам, 28.04.11 ў 19.00 клюб «Рэактар» зьбірае ўсіх фэнаў адборнага беларускага року і канцрэтна — сёньняшняга бэнда №1 «:B:N:». Будзе і лайф, і кайф!
Вітаўт Мартыненка
Цена:20.000 — первые 100
25.000 — остальные, предварительно
35.000 — место за столиком
Точки продаж:Клуб Реактор, ТЦ “Купаловский”, 19 пав. (возле ст. м. Октябрьская, вт-вс 11:00-19:00), ТЦ “Рига”, 18 пав. (ул. Сурганова 50, 2 этаж, пн-вс 11:00-19:30), переход ст. метро Я. Коласа
Инфолиния: +375-29-649-08-88
Spider
Позёров НЕТ — сайт о белорусской молодёжи (http://pozerov.net)
