Гурт Sciana запрашае ўсіх на дзень народзінаў!

Берасьцейскі рок-гурт Sciana сьвяткуе сёлета 10 гадоў. Юбілей музыкі вырашылі адзначыць канцэртамі ў Менску і Берасьці.

За 10 гадоў свайго існаваньня берасьцейскі рок-гурт Sciana стаў адной з самых цікавых альтэрнатыўных камандаў Беларусі. Спалучэньне жорсткага гітарнага драйву і мелёдыкі саксафонаў даўно з’яўляецца візытоўкай гэтае каманды. Прызёры “Basowiszcza 2003”, удзельнікі трыб’юту “Viza N.R.M.”, другое месца ў конкурсе на фэстывалі "Генералы айчыннага року", намінанты “Рок-каранацыі’05” як лепшы рэгіянальны гурт – далёка ня поўны сьпіс дасягненьняў гурта. Круглую дату музыкі вырашылі адзначыць канцэртамі ў Менску і родным Берасьці.
25 верасьня выступ гурта Sciana адбудзецца ў сталічным R-club. Да віншаваньняў далучацца таксама гурты BN (Бяроза), D_Tails (Берасьце), Rahis і SOK (Менск).
26 верасьня ў малой залі ДК Прафзаюзаў у Берасьці да юбіляраў завітаюць Ushuaia і D_Tails (Берасьце), BN (Бяроза), UNIA і SOK (Менск). Увага! На канцэрце чакаецца сюрпрыз!
Гурт Sciana запрашае ўсіх на дзень народзінаў!






Позёров НЕТ - сайт о белорусской молодёжи (http://pozerov.net)